لبس البيبي

من الحاجات اللي كانت ملخبطاني جدا و انا باجيب حاجات البيبي قبل الولادة موضوع اللبس
فجبت حاجات محتجتهاش
و حاجات احتاجتها و مكنتش جايباها 😂
جميلة اتولدت في شهر يونيو
 فكلامي هيبقى عن اكتر حاجات احتجتاها طبقا لشهر ميلادها لاعتبار انها اتولدت في بداية الصيف

مبدئيا معلومات عامة
* البيبهات كائنات حية زينا فبيتحروا و بيبردوا 😁
فاللبس الزائد overwaraping
بيدروخهم و ينيمهم و يخليهم يرضعوا اقل
فبلاش جدته تلبسه ٧ طبقات و استيك و تسيبي زي الفرخة فكيس الفرن بيستوى في الهدوم 😁
*
احتياجهم للتدفئة بيكون اكتر في اول شهر لحد ما يقدروا يتحكموا بشكل افضل في تنظيم الحرارة
البيبي ازيد منك طبقة و ممكن زيك

بتحسي حرارته من ايديه و رجله مش راسه
لان راسهم اغلب الوقت سخنة 😁 تحسي ال
overthinking مسخنها على طول 😁

------'
ملحوظة مهمة عن المقاسات
****
mothercare مقاساته مظبوطة
لانها مش بالسن و خلاص
لا كل حاجة عليها
age
weight
height
يعني جميلة رشيقة 😂
فضلت تلبس newborn لقرب الشهرين و كانوا قالولي هيترمي بعد شهر

----

١- الشايات
دي زي بدلة المعلم رشدان بتاع النينجا 😁

عبارة عن سالوبت بس صدره طبقتين بيتقفل من الجنب هتلاقوه في الصور
ميزته انه بيتفتح زي البلوزة اللي بزراير
فبيبقى اسهل في اللبس خاصة انهم مش بيبقوا قادرين يسندوا رقبتهم
فتلبيس السالوبت العادي صعب
زائد انها طبقين من الصدر بتدفيهم اكتر كانهم لبسين حاجتين
في منهم كم و نص و كت
ممكن البيبي في الاول يلبس كم حتى لو في الصيف و بعدها يلبس الكت عادي

جبتهم من الصياد في سادة و في منقوش
و ممكن تطلبي اون لاين
و مكانه في شيراتون و في سيتي ستارز و في محلات لبس بيبهات في ميدان الجامع عندها برضه
الصورة رقم ١ للشايات
Elsayaad Online Store – Shop online for kids clothing
https://shop.elsayaad.com

٢- Rompers
جيت ادور على ترجمتها بالعربي لقيتها عربيد 😂😂😂😂😂
فهو اكيد مش عربيد فاعرفوها بالشكل

هو بيبقى زي سالوبت بس رجله شورت منه فيه 😁
و الشورت ده في كابسين عشان تغيري بسهولة
انسبهم للمواليد اللي بيتفحتوا بكابسين من قدام زي الاخضر اللي عليه ورد
الصورة رقم ٢
و للسن الاكبر ممكن اللي اللي بيتفح من تحت فقط
الصورة رقم ٣
و في منهم بيتفح من رجل واحدة فقط في motherca re
الصورة رقم ٤
كنت جايبه زيهم من mothercare
و موجودين في الصياد برضه

٣  - السالوبتBabysuit
انه الزي الاشهر للاطفال على الاطلاق اشتريه الان 😂فقط على mbc max
السلوبتات احتاجتها في كل المراحل من اول شهر و حتى الان
غالبا بتبقى زيه الاساسي اغلب الوقت 😁
و
فيها منها كت و نص و كم
الكت انسبهم في الصيف
الكم و النص لما الجو يبدأ يهدى على سبتمبر كده
و الكم تحت الهدوم في الشتا الميزة انها مبتترفعش زي الفانلات
مشهورة تجاريا بباكت سلوبتات

صورة رقم ٥ و ٦
سواء كارترز من الجروبات اللي على النت
او mothercare
او juniors
او من التوحيد و النور
او من الصياد
حسب ميزانيتك بس ممكن تجيبي غالي و رخيص لانك هتحتاجي و بيستهلك منها كتير و ده مكنتش عاملة حسابه

٤ - الفانلات
محتجتش منها غير في الاول تحت الشايات
و اعتقد مع زيادة البرودة ممكن احتاجها لو هلبس تلت طبقات
بصوا على اي منشر مصري اصيل مش محتاجة صور 😁
٥ - jumpsuits
سلوبتات برجلين طويلة
و لو رجلها مقفولة بتبقى sleepsuit
حلوين للخروج و في منهم تقيل و خفيف برضه

و المقفولين حلوين للشتا جدا في البيت و مش بتحتاجي تحشي البيبي هدوم عشان يتدفى
و لو بيفرك كتير و يفضل يرفع الجاكت و البنطلون يشده زي جميلة كده :D
 بس لو البيبي بيزيد بسرعة هيضيقوا بسرعة
 
احيانا الrompers w السالوبتات بتتسمى jumpsuit عادي
و ده كان معذبني و ملخبطي و انا باجيب لجميلة ما اصدق افهم اتلخبط 😁
   الصورة ٧ و  و 9 ٨

٦- الفساتين للبنات
انا قولت هيييه بنت 😂 و مليت المكان فساتين everywhere
جميلة طبعا مع الفرك في الصيف كانت تجيبها في بؤها فبطنها تبان فخاف تبرد 😁
تقعد تشد فيها مش مرياحها عشان قماش كتير كتير
فبقيت البسها شوية و نقلعها حلاوة روح بس 😂
فمتكتروش منهم لانهم مش عمليين
ممكن كلبس خروج و خلاص على قد كده😁

٧ - البنطلونات
مهمين بالذات لما الجو يبدأ يبرد
لانهم ممكن تلبسوا على السلوبتات او تشيرتات

٨- بيجامات
في منها صيفي و خريفي و شتوي
الخريفي و الشتوي مهمين

لا تنسونا من دعائكم :)
#مع_جميلة